Getur S1 svarað þessu?

Ætlið þið að hafa sömu dagskránna og er nú þegar, eða eru einhverjar meiriháttar breytingar þar á?

Ætlið þið að hafa 2-3 auglýsingahlé inní þáttum?

Ætlið þið að endursýna allt saman svo um helgar og nokkrum sinnum yfir vikuna?

Til hvers að hafa fréttir og leggja pening í það?

Afhverju ekki að minnka útsendingartímann og fækka þáttum eða öðru sem lítið áhorf er á?

Gerið þið ykkur grein fyrir því að þetta er sjálfsmorð sem þið eruð að fremja?

einnig legg ég til að rúv drulli sér út af auglýsingamarkaði, til hvers var þessi nefskattur annars?


Hvenær fæ ég borgað fyrir að horfa á allar þessar auglýsingar?

SkjárEinn verður áskriftarstöð

Athugasemdir

[Jón Ingi Cæsarsson, 16.10.2009 kl. 13:15]

Auglýsingarnar eru borga áhorfið þitt að hluta...

[Sigríður Margrét Oddsdóttir (IP-tala skráð) 16.10.2009 kl. 13:33]

Komdu sæll Arnar Bergur,

Takk fyrir spurningarnar.  Sigríður Margrét heiti ég og er framkvæmdastjóri Skjásins.

1) Dagskráin okkar framundan er sú glæsilegasta frá stofnun stöðvarinnar, ég minni á þætti eins og Dexter, Top Gear, CSI og Nýtt Útlit, auk fjölda annarra nýrra og eldri þátta.  Við stefnum að sjálfsögðu alltaf að því að bæta dagskrána.

2) Við gerum ráð fyrir því að auglýsingabirtingar verði minni.  Við munum í takt við það fækka auglýsingahólfum.   Athugaðu samt að það verður alltaf okkar fyrsti kostur að vera ókeypis, þetta er neyðarráðstöfun.

3) Við lítum á það sem sjálfsagða þjónustu við áhorfendur að endursýna þættina okkar, ég geri ráð fyrir því að okkar samningar um endursýningar séu sambærilegir við aðrar sjónvarpsstöðvar hérlendis. 

4) Við erum í samstarfi við Morgunblaðið um fréttirnar, þeir sjá alfarið um ritstjórn og vinnslu fréttanna, kostnaðurinn við sjónvarpsútsendingarnar er í lágmarki og ég er sannfærð um að það hafa ekki farið sjónvarpsfréttir í loftið á Íslandi áður með jafn litlum tilkostnaði.  Ákvörðun um áskrift er algjörlega óháð því hvernig okkur gengur með sjónvarpsfréttirnar. 

5) Undanfarið ár hefur mitt fólk hér á Skjánum lagt mjög mikið á sig til þess að hagræða á öllum vígstöðvum svo að við getum boðið SkjáEinn ókeypis.  Það verður alltaf okkar fyrsti kostur.

Ég hvet þig til að kynna þér vel dagskrána okkar á www.skjarinn.is og bera hana saman við verðið, 2.200 kr. á mánuði. 

Að lokum vil ég nota tækifærið og benda þér á að við stefnum að því að nánast allir þættirnir okkar (bæði innlendir og erlendir) verði aðgengilegir í gegnum stafrænt sjónvarp, þannig geta áskrifendur alltaf horft á þá þætti sem þeir missa af, þegar þeim hentar, í 1-4 vikur eftir útsendingu.

með vinsemd og virðingu,

Sigríður Margrét Oddsdóttir

[Jón Steinar Ragnarsson, 16.10.2009 kl. 14:06]

Þeir eru búnir að vera...punktur

[BTG (IP-tala skráð) 16.10.2009 kl. 14:24]

Sorry sammála þeim hér á undan. Flest allir þættir sem S1 er með á dagskrá eru mjög aðgengilegir á netinu.

Nú er bara að skrá sig í stærsta pakkan hjá Símanum og byrja aftur að ná í þættina á netinu.. án auglýsingana !

[Róbert (IP-tala skráð) 16.10.2009 kl. 15:10]

Um að gera að auglýsa vilja þinn til að fremja lögbrot hérna á opinni síðu BTG!

[Arnar Bergur Guðjónsson, 16.10.2009 kl. 16:20]

Ég þakka Sigríði kærlega fyrir að svara þessum spurningum.

Ég get allavega ekki útilokað að gerast ekki áskrifandi eins og er, það verður bara að koma í ljós.

held að fjárhagsstaðan verði að ráða því.

en ég ætla að vona að þetta sé bara neyðarráðstöfun og því verði hætt um leið og hægt er.

Ég vil samt óska ykkur góðs gengis Sigríður

[Sigríður Margrét Oddsdóttir (IP-tala skráð) 16.10.2009 kl. 16:43]

Kærar þakkir, sömuleiðis, ég veit að mitt fólk metur stuðninginn mikils. 

með bestu kveðju,

Sigríður Margrét

[magnús jensen (IP-tala skráð) 16.10.2009 kl. 17:00]

Hvað á þetta að þýða þið voruð að auglýsa fyrir stuttu að þið yrðuð fríir í 10 ár í viðbót, en ég vona að þið finnið leið til að leysa þetta með öðrum hætti en að rukka áskriftargjöld. Ég held að svona margir horfi á SkjáEinn af því að hann er ein af þeim fáu íslensku sjónvarpsstöðvum sem eru fríar. En þegar þið byrjið að kosta pening held ég að langflestir geri eitthvað annað.

[Illugi (IP-tala skráð) 16.10.2009 kl. 20:04]

Hún Sigríður Margrét áttar sig greinilega ekki á því að það hafa ekki allir aðgang að stafrænu sjónvarpi, né koma til með að fá aðgang að því.

Hvernig er það, þar sem ég hef ekki kost á stafræu sjónvarpi, og get þar af leiðandi ekki nýtt mér þá þjónustu sem þar er í boði, þ.e. að horfa á efni Skjásins í 1-4 vikur eftir útsendingu, á ég að borga sama áskriftargjald og þeir sem geta nýtt sér alla þá þjónustu sem í boði er? Ég nefni SkjáBíó í þessu sambandi líka, þeir auglýsa það grimmt og að til þess að nota það þarf ég bara að hringja í 8007000 og málið er leyst. Síminn hins vegar býður ekki upp á ADSL þar sem ég bý og þar við situr, ekki get ég horft á "yfir 2000 titla" í SkjáBíó.

Reyndar hefur Skjárinn ekki verið ókeypis alls staðar, því hér og hvar þurfa menn beinlínis myndlykil frá Digital Ísland til þess að ná Skjánum yfir höfuð, og maður þarf víst að borga mánaðargjald fyrir afnot af honum, þannig að til að horfa á Skjáinn kostar það áðurnefnt mánaðargjald...